Olíuafgreiðsla

Viðskiptavinir hjá N1 hf. og Olíuverslunar Íslands hf. geta hringt beint í starfstöðvar Olíudreifingar ehf. til að fá afgreitt fljótandi eldsneyti.

Móttaka pantana:

Tekið er við pöntunum í Reykjavík fyrir fljótandi eldsneyti fyrir allt landið á milli 07:00 til kl. 18:00 virka daga. Á öðrum stöðum er tekið við pöntunum frá 08:00 til 17:00 virka daga.

Þegar pöntun er hringd eða send inn til Olíudreifingar skal gefa upp eftirfarandi upplýsigar:

• Kennitala viðskiptavinar
• Nafn viðskiptavinar
• Afgreiðslustaður
• Eldsneytis tegund
• Afgreiðslumáti (á tæki, tank, skip, með lögn, með bát)
• Pantað magn
• Sér óskir um afgreiðslutíma umfram neðangreinda skilgreiningu
• Nafn þess sem pantar
• Símanúmer tengiliðs
• Ef um tæki er að ræða vinnuvélanúmer eða strikamerkisnúmer

Afgreiðslutími er á milli 08:00 til 17:00 virka daga. Hægt er að semja um fastar afgreiðslur fyrir stærri vinnusvæði fyrir eða eftir þann tíma. Ekki er afgreitt á frídögum.

Þjónustumarkmið:

Með þjónustumarkmiði er stefnt að því að skipuleggja dreifinguna með rekstraröryggi viðskiptavina að leiðarljósi, þar sem birgðarbílarnir geta fylgt fyrirfram ákveðinni dreifingaráætlun sem byggir á vöruvöntunum frá viðskiptavinum frá deginum áður.

Afgreiðsla á skip:

Til að tryggja að afgreiðsla geti farið snurðulaust fram þarf að panta fyrir 17:00 næsta virka dag á undan. Afgreiðslur sem eiga að hefjast fyrir 08:00 eða eru yfir 100.000 lítrar skulu pantaðar fyrir kl. 12:00 næsta virka dag fyrir afgreiðsludag.

Afgreitt á tæki og tanka:

Afgreitt er á tæki og tanka á ákveðnum dögum samkvæmt tölfu 1. hér að neðan. Panta þarf fyrir lokun skrifstofu deginum áður en afgreiðsla á að fara fram. Þar sem afgreiðsludagur er ekki skilgreindur er afgreitt samkvæmt samkomulagi en panta þarf a.m.k. fyrir lokun skrifstofu deginum áður.

Áskrift:

Hægt er að óska eftir föstum áfyllingu með reglulegum hætti t.d daglega, á mánudögum, 20. hvers mánaðar, annan hvern mánuð... Áskriftir henta þeim best sem hafa tiltölulega jafna notkun. Áskrift er stofnuð niður á einstök tæki eða tank en hafi þrisvar verið reynt að afgreiða tækið án árangur t.d. vegna þess að tækið hefur ekki verið notað fellur áskriftin niður. Leitast er við að afgreiða áskriftir á svipuðum tíma sólarhringsins þangað sem er farið daglega. Tilkynna skal dreifingarskrifstofu ef hætta á áskrift.

Afgreiðsla á skráð ökutæki:

Ekki er afgreidd gasolía beint af bíl á skráð ökutæki nema lituð olía á vinnusvæðum í undantekningartilfellum.

Afgreiðsla utan þjónustuskilgreiningar:

Hægt er að fá olíu afgreidda samdægurs þar sem boðið er upp á afgreiðslu alla virka dag gegn gjaldi.

Afgreitt er utan skilgreinds afgreiðslutíma eða skilgreindra afgreiðsludaga um allt land gegn aukagjaldi.

Kvartanir:

Kvartanir sem þarf að bregðast við s.s. olíuleysi eða afgreiðsla á olíu sem ekki er í lagi skal tafarlaust tilkynna í síma 550-9933 eða á póstfangið pantanir@odr.is.

Tafla 1.  Afgreiðsludagar á litaðri gasolíu á tanka og tæki